Орта Азия елдері журналистеріне арналған семинар
21-09-2011
Осы жылдың 13-15 қыркүйектерінде Венада ЕҚЫҰ Хатшылығының жәрдем етуімен, 2009 ж. бастап Қазақстан бастауымен және қолдауымен жүргізіліп келе жатқан журналистер қауымыныңЕҚЫҰ қызметі туралы хабардарлығын арттыруға бағытталған жоба шеңберіндегі Орта Азия журналистеріне арналған семинар өтті.
Шара барысында журналистер ЕҚЫҰ-ның түрлі атқарушы құрылымдарынан келген мамандармен, қатысушы мемлекет делегацияларының мүшелерімен кездесті және Ұйымның негізгі бағыттарымен, мақсат-міндеттерімен танысты.
Семинар оларға Ұйымның күнтәртібінде тұрған мәселелердің кең спектрімен танысу мүмкіндігін берді – қақтығыстардыдың бетін қайтару және қақтығыстардан кейінгі реттеу жұмыстары; есірткі тасымалы және адамдар саудасымен күресу; БАҚ бостандығы, адамдар құқығы, соның ішінде журналистер және т.б. құқығын қорғау.
Семинарға қатысушылар тұрақты хатшылық пен ЕҚЫҰ-ның қауіпсіздік саласындағы ынтымақтастық Форумының (ҚСЫФ) мәжілісіне қатысу, сондай-ақ, Қазақстанның ҚСЫФ-та өкілдік ету бағдарламасының негізгі элементтерімен танысу – жаңартылған Вена құжатын қайта басып шығару; ату және жеңіл қару-жарақтары мен қарапайым оқ-дәрі қорлары құжаттарымен жүргізіліп жатқан жұмыстар; жаппай жою қару-жарақтарының таратылмау мәселелері, соның ішінде Қазақстанда БҰҰ-ның Қауіпсіздік Кеңесінің 1540-шы қаулысының орындалуына бағытталған аймақтық семинарын өткізу жоспарларымен танысу мүмкіндігіне ие болды.
Сондай-ақ, семинар аясында ЕҚЫҰ мүше-мемлекеттер делегацияларының бірқатар басшыларының қатысуымен (Қазақстан, Қырғызстан, Тәжікстан, Ирландия, Литва, Ресей Федерациясы, АҚШ) «ЕҚЫҰ-ның Астанада өткен Саммит Қорытындылары» атты дөңгелек үстел өтті. Дөңгелек үстел қатысушылары Астанада өткен ЕҚЫҰ Саммит Қорытындыларын, Астаналық Декларация тапсырмаларының орындалу барысын талқылады, сондай-ақ, Орта Азия мемлекеттерінің аймақтық қауіпсіздік, БАҚ бостандығының алға басу мәселелеріндегі рөлін қалай көретіндіктері жайлы бөлісті.
